《孩子開心與否,其實我不太在乎》


以下嘅內容,可能你會唔喜歡,所以不喜勿插。

好多家長你報名活動查詢活動嘅詳情 最後一句總係我返去同小朋友商量下先。 而家呢個世代都會好著重尊重孩子嘅意向,尊重孩子嘅決定。我哋盡量都要同小朋友去溝通。 同時我對呢一點有不同嘅見解。

有一次當小朋友入咗camp之後,有位媽媽打畀我,佢話見到囡囡啲相好似好唔開心咁,問佢係咪好唔開心。咁我就問媽媽:係咪你迫佢呢呢個camp㗎?佢話係呀~我想佢學會獨立同其他人相處。佢平時太依賴喇,對身邊的人都好惡。所以我想佢透過今次有所學習。但係我又驚佢好唔開心。我同佢講我話:我哋大人教小朋友會有個目的,會有個方向。只要個方向啱,我哋想畀小朋友正面嘅訊息,我哋就唔使驚佢唔開心。我哋大人嘅責任唔係氹小朋友開心,而係灌輸正面嘅訊息。另外導孩子向善,成長搵到佢哋嘅目標。 實在無需要去驚佢唔開心。 放咗喺呢度佢會結識到朋友。佢會有好多精彩嘅體驗。佢出到嚟佢呢幾日一定會玩得痛快。正如小朋友做功課、返學,一定唔及放假去玩咁開心。 但我哋仍然知道返學校上學嘅重要性。小朋友開心與否我哋都要佢做。

其實我自己會有個信念。大人對小朋友的教育,小朋友快樂咁成長並唔係我既主線。小朋友有正確嘅價值觀,搵到佢嘅人生目標,搵到佢嘅成功感,咁佢自然會開心快樂,生活得好充實。但中間佢都會面對好多嘅唔開心。正如我辦呢一間嘅公司係我嘅目標、係我嘅使命、係我嘅事業。從中我搵到好多嘅成功感。我亦都好投入咁去做。但係中間會面對好多有困難。同時我唔喜歡的事、我做得唔開心我亦都要做。因為我知道我有咁大嘅理想同埋目標要去達到。例如寫書係我夢想,但係趕稿呢個過程真係好痛苦。但係字數不足嘅話出版商真係唔會幫我出書。我亦都想小朋友知道有啲事情不論係困難或者係令到自己唔開心,都要有畀心機做好嘅必要。因為我哋要達到嘅理想同目標係更加遠大。

講番查詢活動嘅家長,當然我未必了解每個家庭都有唔同嘅情況,有機會小朋友去過露營,有唔開心嘅體驗。同時,要小朋友離開屋企離開父母,夜晚無冷氣,有蚊叮蟲咬,佢都真係未必想去。 但係呢啲一啲活動嘅原因,正正就係想畀小朋友識得去面對逆境識得去面對困難。佢哋經驗唔夠大人多,有啲嘢佢冇經歷過,佢唔知道從中有幾幾得著,佢做一個決定都會係開心與唔開心,而唔係佢哋嘅成長,同其他人嘅人際關係,幫唔幫到自己學習同埋成長。大人同埋小朋友做一個決定嘅動機都唔同。 正如行山辛苦,事後個個都話下次唔會再去。去過一次攞到個成功感之後,下次又會再返嚟。要有個體驗佢先知道有啲咩得著。當家長同我講返去同小朋友商量下嘅時候,好多時佢之前都會話畀我聽小朋友嘅問題係佢會好自我主意、佢依瀨。 正正就係咁我哋用佢自己開心與否去做決定,咁佢自然就會變得自我主義。 當然我不了解冇家庭佢哋可能個別都有唔同嘅原因。 不過我覺得尊重孩子呢一件事。我哋自己做教育嘅,我哋真係可以強硬少少。

縱容, 尊重之間嘅分別

小朋友有自己的喜好可以為自己去決定。前提佢都要有唔同嘅經歷,經歷過先至要知道自己鍾意定唔鍾意。大人小朋友都係人,都會唔喜歡離開佢舒適區。 我哋容許孩子開唔開心去做決定,孩子就可以選擇去留喺個舒適區。

最近喺街會聽到啲大人會問細路仔,我哋陣間你想去邊度食飯呀。你想去麥當勞/大家樂/吉野家定係食豬扒飯? 如果孩子答麥當勞....但係姑媽唔鍾意食麥當勞喎,我哋食吉野家好唔好呀。當時我哋喺浸會醫院,姑媽又問:你陣間想點樣返屋企呀?搭咩車返屋企呀?咁小朋友就話啦的士。搭的士咁奢侈咁喎。咁小巴囉~呢度冇小巴返去㗎喎,我哋搭巴士喇。大人嘅動機可能係想多同小朋友傾計搵話題,又或者係相尊重小朋友嘅意向去問一問佢想點。 但原來冇得選擇,但佢想同小朋友溝通。畀著我係嗰個小朋友,我就會心諗咁你就唔好問我啦。其實大人心中有答案,可以直接同小朋友講。講出你選擇。呢個決定嘅原因,又或者佢每當小朋友問有冇其他方法嘅時候大家一齊去討論一下。


Featured Posts
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square
聯絡我們

Tel: 5320 3975

Email: info@sparkadventurehk.com
 

緊貼我們消息

Facebook